Ano ang PCOS (ngayon ay PMOS)? Gabay para sa mga Pinay

PCOS meaning sa Tagalog

Ang PCOS ay ibig sabihin ay polycystic ovary syndrome. Simula Mayo 2026, may bago na itong opisyal na pangalan: PMOS, o polyendocrine metabolic ovarian syndrome. Sabay na gagamitin ang dalawang pangalan hanggang 2028, kaya okay lang kung PCOS pa rin ang sabi ng OB mo.

Sa simpleng salita, ganito ang nangyayari sa katawan:

• Hindi naglalabas ng itlog (egg) ang ovaries mo buwan-buwan, kaya delayed, madalang, o wala ang regla mo.
• Mas mataas ang androgens (tulad ng testosterone), kaya may tagyawat, balbas, o pagnipis ng buhok.
• Marami ang may insulin resistance, na nakakaapekto sa energy, cravings, timbang, at risk ng diabetes.

Madalas itong tawaging “hormonal imbalance”. Hindi mali, pero malabo. Ang PCOS ay specific na diagnosis na may specific na tests at gamutan, kaya mas madali kang makakahingi ng tamang alaga kapag alam mo ito.

Bakit PMOS na ang tawag?

Noong 12 Mayo 2026, inilathala ng The Lancet ang bagong pangalan matapos ang global na proseso kasama ang 56 na organisasyon at mahigit 14,000 na sagot sa survey. Tinanggal ang “cysts” dahil karamihan ay walang totoong cyst. Ang nakikita sa ultrasound ay maliliit na follicle. Idinagdag ang “metabolic” dahil sentro ang insulin resistance para sa marami.

Basahin ang buong paliwanag sa Ano ang PMOS?

Ano ang mga sign na may PCOS?

Hindi mo kailangang maranasan lahat. At kahit may isa ka, hindi ibig sabihin na may PCOS ka agad.

• Irregular o delayed na regla: mas mahaba sa 35 araw ang cycle, kulang sa 8 regla sa isang taon, o ilang buwan na walang regla. Basahin
• Tagyawat na paulit-ulit: lalo na sa panga at baba, hindi nawawala sa skincare lang. Basahin
• Balbas o buhok sa mukha at katawan: makapal at maitim na buhok sa baba, upper lip, dibdib o tiyan. Basahin
• Pagnipis ng buhok: lalo na sa hati o sa tuktok. Basahin
• Pangingitim ng leeg o kili-kili: senyales ng insulin resistance, hindi dahil madumi. Basahin
• Insulin resistance at paglaki ng tiyan: cravings, antok pagkatapos kumain. Basahin
• Lungkot, kaba at puyat: mas karaniwan ang depression at anxiety sa may PCOS. Basahin
• Hirap mabuntis: mas madalang ang ovulation, pero natutulungan ito. Basahin

Tingnan lahat sa PCOS symptoms o i-tap ang Symptom Map.

Ano ang sanhi ng PCOS?

Walang iisang sanhi. Pero dalawang bagay ang nagpapalakas sa isa't isa:

1. Insulin resistance. Kailangan ng katawan ng mas maraming insulin para manatiling steady ang blood sugar. Ang mataas na insulin ay nagtutulak sa ovaries na gumawa ng mas maraming androgens. Nangyayari ito kahit payat ka.
2. Mataas na androgens. Pinipigilan nito ang paghinog ng follicles, kaya hindi regular ang ovulation at regla.

Madalas din itong namamana. Kung may PCOS ang nanay o kapatid mo, o may diabetes sa pamilya, mas mataas ang tsansa mo. [TODO: source]

Hindi ito dahil tamad ka, dahil sa isang maling kain, o dahil sa kahit anong ginawa mo noong bata ka.

Paano malalaman kung may PCOS ako?

Ginagamit ng 2023 International Guideline ang Rotterdam criteria. Kailangan ng dalawa sa tatlo, matapos i-rule out ang ibang sanhi tulad ng thyroid at prolactin:

1. Irregular na ovulation: mula 3 taon matapos ang unang regla, cycle na mas maikli sa 21 araw o mas mahaba sa 35 araw, o kulang sa 8 regla sa isang taon (Rec 1.1.1).
2. Mataas na androgens: nakikita sa katawan (tagyawat, balbas, pagnipis ng buhok) o sa blood test.
3. Polycystic ovaries o mataas na AMH: sa ultrasound, o sa adults, pwedeng AMH blood test na lang (Rec 1.4.6, 1.5.1).

Kung irregular na ang regla mo at may senyales ng mataas na androgens, hindi na kailangan ng ultrasound para sa diagnosis (Rec 1.4.9). Kung hindi ka pa sexually active, may transrectal ultrasound o AMH test. Sa mga teen (wala pang 8 taon mula sa unang regla), hindi ginagamit ang ultrasound.

Gusto mo bang malaman kung aling features ang posibleng meron ka? Subukan ang libreng 2-minute self-check. Hindi ito diagnosis, pero makakatulong itong maghanda bago pumunta sa OB. Buong detalye sa diagnosis guide.

Magkano ang PCOS check up?

Depende kung saan ka pupunta. Narito ang mga presyo mula sa aming price list:

• Basic na check up (consult at ultrasound): mga ₱1,500 to ₱2,500
• OB-GYN consult sa PGH: ₱0 to ₱500; sa Kindred: ₱850 per consult
• Transvaginal ultrasound sa government hospital: ₱450 to ₱750 per scan
• Hi-Precision PMOS comprehensive panel: ₱8,700 (walang kasamang consult)
• Buong guideline workup na may OGTT, lipids at androgens: mga ₱4,000 to ₱10,000

Prices checked October 2026. Prices at Philippine drugstores and labs change often; confirm before you go.

Walang HMO? Ang PhilHealth Konsulta ay may OGTT, HbA1c, lipid profile, pelvic ultrasound at metformin sa listahan nito. Tingnan ang buong cost guide.

Nagagamot ba ang PCOS?

Wala pa itong lunas, pero kayang-kaya itong i-manage. Iba-iba ang gamutan depende sa goal mo:

• Para mag-regular ang regla, tagyawat at balbas: combined pill. Diane vs Althea vs Yaz
• Para sa insulin resistance: masustansyang pagkain at paggalaw sa kahit anong timbang, at metformin sa ilang adults. Metformin
• Para mabuntis: letrozole ang first line. Fertility
• Inositol: food supplement na walang approved therapeutic claims. Sabi ng guideline, limitado ang benepisyo. Inositol

Sa isang 2025 na pag-aaral sa Pilipinas, marami ang tumigil sa gamutan dahil sa side effects, gastos, o paniniwalang “hindi naman ito nagagamot.” Pero ang tuloy-tuloy na follow-up ang nagpoprotekta sa kalusugan mo sa katagalan, lalo na sa diabetes at puso.

This guide is for information. Talk to a doctor before starting or changing any treatment.

Hindi mo ito kasalanan

Maraming Pinay sa r/PCOSPhilippines ang nagkukwento ng OB na nag-comment sa timbang nila, hanggang sa pakiramdam nila “parang ako pa may kasalanan na may PCOS ako.” Sabi mismo ng 2023 Guideline, karaniwan at nakakasama ang weight stigma, at dapat itong kilalanin ng mga doktor (Rec 3.6.1, 3.6.2). May karapatan kang humingi ng respeto, o lumipat ng doktor.

• Read in EnglishWhat is PCOS (now called PMOS)?→
• Self-checkDalawang minuto, pribado, sa English o Taglish.→
• Magkano lahat?Bawat presyo sa piso, may source.→